السبت، 12 فبراير، 2011

هنا القاهره .....




من اجمل ايام حياتي ...مصري وافتخر ...وطني وهذا عزي ...بلدي حبي الاول والاخير ...مصر الحبيبه اللي كنت دايما باحلم اشوفها في الشكل ده

اعذروني النهارده هتكلم اللهجة العاميه المصريه عشان كله يحس بيه ويفهم كلامي بالمعنى والاحساس ....بس ..


لحظه من فضلك ....

في بعض الناس ما زالت خايفه من اللي حصل وبتقول البلد اكيد هتتباع وكان البلد كلها تنحت عن الحكم

اللي عمله نظام مبارك في ال30 سنه اللي فاتوا هو انه ابعد كل القوى السياسيه عن الساحه المصريه تماما واقصى كل من كان ينافسه فاصبح امام الناس مبارك وحده وليس غيره ..وكانه يقول ما علمت لكم من اله غيري

ياجماعه البلد مليانه كفاءات وفيها سياسيين احسن من نظام مبارك وناس متخصصه في الاقتصاد احسن من نظام مبارك...ياجماعه كان لازم النظام ده يمشي هو و اذياله لان السرقه كترت ....الناس طول عمرها بتشتكي واول ما جات الفرصه سبحان الله ..نخوا زي الجمال وجابوا ورا ...وقالوا لا ده احسن من غيره ..

انا كنت اعرف ان مكيافيللي اول واحد اتكلم في الحكايه دي هي ان الناس دايما بتخاف من كل ما هو جديد وبالتالي يمكن للحاكم الاستقرار باشعار الناس دائما بان القادم هو الاسوء

بس هقول ...ان الله لا يغير ما بقوم حتى يغيروا ما بانفسهم ...

ربنا قالها كده زي ماهي ...زي ماعملها الشعب المصري وسمع كلام ربنا ...الصحابه والنبي (ص)

كانوا من اوئل الناس اللي كان مجتمعهم فيه المسأله دي ...ومع ذلك ضحوا بحياتهم لان الاسلام كان وطن

ومصر وطن الاسلام ...كما قال ابن خلدون من لم يرى مصر لم يرى عز الاسلام ....

اللي انا شوفته يوم 25 يناير كان عز الاسلام كان شجاعه نادره وفائقه ...وبدل ما نخاف المفروض الناس تشارك وتبطل السلبيه اللي لسه عايشه فيها ...كبار مصر كلهم كانوا هناك

ومثقفين وعلماء من الازهر ومن كنائس ودعاة اسلاميون وحقوقيون وفقهاء القانون والدستور

وفئات كتيره من الشعب ومع ذلك لسه في ناس بتخاف سبحان الله

هناك 9 تعليقات:

واحد من العمال يقول...

مبروك لمصر الحريه
وبصراحه أنا كنت من ضمن الخائفين
كنت خايف من عمليات قذره يقوم بها الحزب الواطى وفلول الداخليه للوقيعه بين الشعب والجيش كانت حتبقى مشكله مثل ما حدث فى موقعه الجمال
لكن الحمد لله ربنا ستر
ومصر فعلاً مليانه كفاءات
ومصر ولاده رجال
وعاش شباب مصر الذى فجر الثوره
ورحم الله شهداء الثوره
لهم منا جميعاً الفاتحه

وعاشت مصر حره

ماجد القاضي يقول...

السلام عليكم

أحسنت أخي ماجد.. معاك تماما في كلامك الموزون..

ربنا ينزع الخوف بقى من القلوب...

مبروك لينا كلنا ... وربنا يتم النعمة علينا بتولية من يصلح.. آمين.

تحياتي.. وبالله عليك ما تطولش علينا في غيابك..

وجع البنفسج يقول...

الف مبارك لكم على النصر ، وادام الله عليكم النصر والحرية ..

حـنــّا السكران يقول...

ألف مبروك يا ماجد
مبروك عليكم الحرية
مبروك على مصر و علينا جميعًا.
و لا زال المشوار في أوّله.

IBN BAHYA - إبــن بهيـــــــــــــة يقول...

سنواصل الكفاح يا شباب
جمعة مليونية كل يوم جمعة حتى تتحقق أهداف الثورة التي لم يتحقق منها سوى 30% فقط فالنظام مازال كما هو وقتلة الشهداء كما هم في مناصبهم ، بل إنهم يمارسون أعمال البلطجة حتى الآن ويعتقلون من تصل إليه أيديهم ، لن يهدأ شهداؤنا ولا دمائهم الطاهرة قبل محاكمة قاتليهم

أهـــــــدافنـــــــــــا واضحـــــــــــــة
أولاً
مجلس رئاسي مدني
ثانياً
حكومة انتقالية تكنوقراط تحل محل الحالية التابعة للعهد البائد
ثالثا
تطهير البلاد من الفساد في الوزارات والمحافظات والمحليات ومحاكمة المجرمين علنيا سواء القتلة من الشرطة أو رجال الأعمال
رابعا
إقالة النائب العام واستقلال القضاء عن وزارة العدل
خامسا
إلغاء قانون الطواريء
سادسا
الإفراج عن المعتقلين

حتى تتحقق هذه المطالب سنظل نخرج كل يوم جمعة في مظاهرات مليونية للمطالبة بتحقيق أهداف الثورة .. فمازال الحزب الواطي يصول ويجول بطول البلاد وعرضها وكأن شيئاً لم يكن

لن نخذلك يا شهيد
لن نخذلك يا أم الشهيد
لن نضيع دمكم الذي دفعتموه لتحرير الوطن ونكتفي ببعض الفتات فتتقلبون في مرقدكم

والله لن يكون
http://ibnbahya.blogspot.com/

model يقول...

مبروك لمصر
الحمد لله على الحرية
يا رب عليك بالفساد و المفسدين
يا رب ربنا فعلا ينزع الخوف من الوجود
و يعيش الشهيد في الخلود
و مصر ترجع لنا

و نرجع لها
موديل

مدونة عايزة اخس

محمد الجرايحى يقول...

السلام عليكم ورحمة الله وبركاته
الحرية لؤلؤة نادرة باهظة الثمن ولايستطيع سداده سوى الأحرار

Dr Ibrahim يقول...

الخوف مرحلة انتقالية وسوف يصمد الشعب المصرى وسوف يذوق طعم الحرية التى طالمت غابت عنه لفترات طويلة..

عمرو جويلى يقول...

صديقى العزيز
السلام عليكم
لا أخفى عليك سراً لقد
إنتابتنى حالة من
الإحباط قبل 25 / يناير
صدمة المفاجأة جعلت
بعض الناس غير مصدقين لما حدث
خاص تقديرى

تنبيه

لتكبير او تصغير الصفحه حتى لا تؤذي العين


اضغط على (+)+ctrl لكبير الصفحه

(-)+ctrl لتصغير الصفحه