من الطرائف المبكيه التي نعيش فيها هذه الايام هو انه لا عمل بلا ابواب خلفيه ....والابواب الخلفيه هي الفيروسات التي تتسلل الى انظمة الشركات والمصانع والمؤسسات التي تعلن عن الوظائف... وهذه الفيروسات التي تدمر الحاسب الآلي الذي يسير العمل له وسيله واحد يقضي بها على المؤسسه وهي ان يصبح العمل عند الموظف آخر ما يفكر به ...و من هذا الفكر تخرج طريقه يتعايش بها الموظفون مع بعضهم البعض داخل المؤسسه او حتى خارجها .
اعتقد انكم فهمتموها ( الزومبا ..... المهموز...... الدبوس ..... المقلب ....... ازاحة الاخر......ابقى انا الكل في الكل )
هذه الكلمات التي تواردت الى قوميسنا منذ عصر المماليك وما بعده ......لم تكن تصل الى الناس فظل الناس على حالهم هذه الفتره باخلاقهم ومبادئهم وعاداتهم ..
وكانت هذه الافكار حين يسمع عنها الناس يأنفون منها و لا يحبون اصحابها لانها كانت طرق ملتويه وغير اخلاقيه فهي اخلاق العبيد الذين يتقربون الى ساداتهم حتى ينالوا منهم مايريدون ...
فاصبحت الموهبه وحدها لا تكفي ....وان كنت افضل من يعمل في مجالك ....وتغيب عن اعيننا ثقافة العمل وحبه ... يصبح الانسان في خوف مستمر من ان يطرد بسبب موقف او اشاعه ....
ولا يطرد بسبب انه اهمل واو وقع في خطأ فادح اثناء عمله ...... لماذا
( لان الدنيا كده .... اللي مايعملش كده يبقى عبيط ..... لازم تفتح مخك ...... انت مش عايش في الدنيا ..... ياواكل قوتي ياناوي على موتي )
الفقر .... عدم الامان .....انعدام العداله الاجتماعيه في توزيع الادوار والاعمال حسب الكفاءه ....انعدام الضمير .....سوء التدين والبعد عن الجانب الروحاني ......... وووووو
لقد فقدنا الامل في ان الرزق موجود وانه لن يذهب الى الغير ..... وان السعي يكون في التنميه المستمره للعمل نفسه ....هذا هو الجهد الذي اعلمه ولا اعلم غيره ..... ام ان الموهبه وحده لاتكفي ؟؟؟؟؟؟
تعليقات
بل تكفي.. لكن في المكان الذي يقدر هذا فقط.. وهو قليل لدينا...!!
مرحبا بك أخي ماجد بعد طوووووول غياب..
ومبروك على الشكل الجديد للمدونة.. (بس يا ريت تكبر فونت التدوينة)..
أرجو ألا تختفي مرة أخرى لتظهر بعد 13 أسبوعا...!!! :)
تحياتي أخي الكريم.
منظومة من الفساد ..وبعدنا عن تعاليم ديننا التى تحفز على العمل والإنتاج واحترام العامل أما الآن فهناك الواسطة والمحسوبية وعدم الأخلاق وبذلك لن نتقدم ولن نعرف الخير..ولكن أملنا فى الله سبحانه وتعالى كبير فهو لا يضيع أجر من أحسن عملاً..
تحياتى لك
يارب تكون اخر غيبه عنا
عارف انا اخويا لسه قبل العيد سايب الشغل لان جه مدير جديد وكل مدير بيجي جديد ((((بيفور ))) الطقم اللى كانوا مع المدير القديم ويعرف الجديد يجيب محاسيبه وقرايبه
هى دى البلد بتاعتناونستاهل كل اللى بيتقال علينا من البلاد التانيه لان بجد وشفت ده بنفسي اسوء موظف في اى دوله عربيه هو الموظف المصري ولو انت مسافر اخر ناس تحاول تحتك بيهم بره هم المصريين لانهم بتوع ذنب وبلاوى زرقه علي دماغهم
بجد شعبنا بقي قليل الاصل والدين والاخلاق والمبدئ
ومرسي علي البوست الجميل ومعلش بقي جيت فضفضت في مدونتك شويه ؛)
يااااااه فينك يا استاذ ماجد
مش لازم تغيب كتير كدة
كل مرة بقولك كدة وبتغيب برضه
يارب تكون بخير دايما
تحياتي
ويا ريت لو هتغيب كدا
تطمنا عليك من وقت للتانى
ولو بتعليق
متفقة معاك ف كل حرف ف البوست
وانتا قولت السبب فى آخر سطوره
لو الثقة فى ان مفيش حد رزقه بيوصله ناقص وانه لن يذهب لغيره
لو الثقة فى الله موجودة بشكل عملى
مكنتش حضرتك ولا كل حد يضطر يفكر او يكتب الكلام دا
بس للأسف احنا بنثق ف الله كلاماً اغلب الوقت
ونيجى وقت التطبيق
نعمل العكس
خالص ودى ليك
ومتغبش كتير على اخواتك
:)
انا جيت اقولك كل سنة وانت بخير
وعودة حميدة ان شاء الله
ياريت ما تغبش عننا كتير
...
وزي ما قولت الموهبة وحدها لا تكفي
مبروك البروفيل الجديد للمدونه
السبب الرئيسي للتدهور هو الكوسه والمحسوبيه وحتي المناصب القياديه اصبحت لذوي الولاءات لا لذوي الخبرات
الكلام دة صحيح جدا لكن مينعش نيأس لازمنوصل لدفنا
بس بطرق صحيحة
جزاك الله خيرا
الموهبه والكفاءة ليسا معيار النجاح وخد عندك
زميلى فى المكتب ودفعتى بقى وكيل وزاره ورئيس مجلس ادارة وانا يا دوب مدير عام
بس كنت ريفى وفلاح وابن ناس طيبين وبآخد بالاصول .. بس لو الزمن رجع تانى مش ح اعمل كدا وابقى ابن ستين فى سبعين والعب على كل الشناكل وكل الاراجوزات
لازم عشان تنجح تكون حاصل على شهادات كتيره قوى اولها
1 - شهادة الهمبكه
2- شهادة النفاق
3- شهادة البهمكه ..ما تسالنيش يعنى ايه البهمكه عشان انا مش عارفها
4- شهادة الكدب
وشهادات خيبانه كتير قوى .. ولو معاك الشهادات دى اضمن لك انك تنجح وبتفوق
تحياتى
السلام عليكم ورحمة الله وبركاته
حمداً لله على سلامتك وعودتك الطيبة لمدونتك وقرائك...
أخى: فعلاً هى فيروسات مدمرة ..تدمر كل فرص النجاح والتقدم والنهوض الذى ننشده جميعاً وطالما ظلت هذه الفيروسات بلا معالجة سنظل هكذا نعانى ويلات الفشل والتخلف.
طرح قيم وواع
تقبل تقديرى واحترامى
بارك الله فيك وأعزك